‘लिलिबिली’मा प्रियंकालाई अन्याय गरेकै हो त !

Share on facebook
Share on google
Share on twitter
Share on linkedin
Share on whatsapp
काठमाडौं, फागुन २४

मिलन चाम्स निर्देशित फिल्म ‘लिलिबिली’को ट्रेलर मंगलबार रिलिज गरिएको छ । ट्रेलरमा नायक प्रदिप खड्का र नवनायिका जस्सिता गुरुङबीचको लभ केमेस्ट्री देख्न सकिन्छ ।

अर्की नायिका प्रियंका कार्कीलाई भने ट्रेलरमा खासै स्थान दिइएको छैन । उनी जम्मा ३ सेकेन्ड झुलुक्क देखिन्छिन् । उनलाई लुकाउने रणनीति पनि हुन सक्छ । अनुपविक्रम शाही भने नेगेटिभ रोलमा देखिएका छन् । महंगो बजेटको यो फिल्मको सुटिङ बेलायत, स्कटल्यान्ड, टर्की लगायतमा देशमा गरिएको थियो ।

ट्रेलरमा तीन देशका आकर्षक दृष्यहरु समेटिएको छ, जसले दर्शकलाई फिल्म हेर्न लोभ्याउन सक्छ । यसै फिल्मबाट नायक खड्काले २२ लाख पारिश्रमिक लिएर चर्चामा आएका थिए । आगामी चैत्र ३० गते रिलिज हुने यो फिल्मको निर्माण गोविन्द शाही र सुदिप खड्काले गरेका हुन् ।